ﻛﻌﺐ ﺍﻟﺰﻭﻝ ﻳﻌﺎﺩﻱ ﺍﻫﻠﻮ ﻭﻗﺮﺍﻳﺒﻮ
ﻳﺸﻤﺖ ﻓﻴﻬﻮ ﺍﻟﻌﺪﻭ ﻭﺗﻜﺘﺮ ﻋﻠﻴﻬﻮ ﻣﺼﺎﻳﺒﻮ
ﻛﻌﺐ ﺍﻟﺒﻘﻞ ﺍﻟﻘﻴﻤﻪ ﻟﻲ ﻧﺴﺎﻳﺒﻮ
ﻭﻛﻌﺐ ﺍﻟﺰﻭﻝ ﻋﺪﻭ ﺻﺪﻳﻘﻮ ﻳﺒﻘﺎﻟﻮ نايبو
.........
ﻛﻌﺐ ﺍﻟﺰﻭﻝ ﺍﻟﻔﻲ ﺍﻟﻤﺠﺎﻟﺲ ﺩﺍﺋﻤﺎﺑﻘﻞ ﻣﻘﺪﺍﺭﻭ
ﻭﻛﻌﺐ ﺍﻟﺒﻴﺠﺮﺡ ﺑﺎﻟﻜﻼﻡ ﻓﻲ ﻋﺮﺿﻮ ﻭﻣﺎﻟﻮ
ﻛﻌﺐ ﺍﻟﻤﺎ ﺑﻴﺴﻤﻊ ﺍﻟﻨﺼﺢ ﻣﻦ ﺍﺑﻮﺍﺗﻮ ﻭﻛﺒﺎﺭﻭ
ﻭﻛﻌﺐ ﺍﻟﺒﺸﻴﻨﻪ ﻳﻔﻀﺢ ﺟﺎﺭﻭ
........
ﻛﻌﺐ ﺍﻟﺰﻭﻝ ﻟﻠﺮﺟﺎﻝ ﻳﺘﻠﻤﺲ
ﻭﻛﻌﺐ ﺍﻟﻮﺳﻂ ﺍﻟﺤﺮﻳﻢ ﻳﺘﻬﻤﺲ
ﻛﻌﺐ ﺍﻟﺬﻱ ﺍﻟﺠﺮﻭ ﻳﺘﻠﺤﻮﺱ
ﻣﻊ ﺍﻟﺒﻨﻮﺕ ﻳﻄﻖ ﺍﻟﺤﻨﻚ ﻳﺘﻮﻧﺲ
.......
ﻛﻌﺐ ﺍﻟﻔﻲ ﺍﻟﻔﺎﺭﻗﻪ ﺩﺍﻳﻤﺎ ﻗﺎﺋﺪ
ﻛﻌﺐ ﺍﻟﻤﺎﺑﺴﻤﻊ ﻛﻼﻡ ﻏﻴﺮﻭ ﻭﺭأﻳﻮ ﻣﺎﺻﺎﺋﺪ
ﻛﻌﺐ ﺍﻟﻔﻲ ﺍﻟﻬﻴﻨﻪ ﻳﺴﻮﻱ ﻟﻴﻚ ﺷﺪﺍﺋﺪ
ﻭﻛﻌﺐ ﻣﺪﺡ ﺍﻟﺰﻣﻴﻢ ﻟﻮﻗﻠﺖ ﻓﻴﻬﻮ ﻗﺼﺎﺋﺪ
.......
ﻳﺎﺍﺧﻮﺍﻧﺎ ﻫﻮﻭﻭﻭﻱ ﻭﺍﻟﻠﻪ ﺍﻟﻌﺮﺽ ﻣﻮ ﻫﻴﻦ
ﻭﻣﺎﺑﻴﺮﺿﻲ ﻓﻲ ﺍﻟﻌﺮﺽ ﺍﻻ ﺍﻟﻘﻠﻴﻞ ﻭﻫﻮﻳﻦ
ﻣﻦ ﺩﻭﻥ ﺍﻟﺨﻠﻮﻕ ﺗﻠﻘﺎﻫﻮ ﻇﺎﻫﺮ ﺑﻴﻦ
ﻓﺎﺗﻚ ﻋﺮﻭﺽ ﺍﻟﻨﺎﺱ ﻭﺍﺏ ﻛﻼﻣﺎ ﻟﻴﻦ
.. .....
ﺧﺎﻭﻱ ﺍﻟﻤﺎ ﺑﻘﻮﻟﻚ ﻛﻼﻡ ﻓﻲ ﺍﻟﻨﺎﺱ
ﻭﺧﺎﻭﻱ ﺍﻻﺻﻴﻞ ﻭﺩ ﻭﻟﺪﺕ ﺍﻟﻔﺮﺍﺱ
ﺧﺎﻭﻱ ﺍﻟﻜﺮﻳﻢ ﺍﻟﻠﻲ ﺍﻟﻘﺒﻴﻠﻪ ﺍﺳﺎﺱ
ﺧﺎﻭﻱ ﺍﺏ ﺻﺪﺭﺍ ﺭﺣﺐ ﻣﺎﺑﻜﺘﻢ ﻋﻠﻴﻚ ﺍﻧﻔﺎﺱ
..... .
ﺧﺎﻭﻱ ﺍﻟﻤﻦ ﺑﻌﻴﺪ ﻓﺎﺗﺢ ﻗﻠﺒﻮ ﻗﺒﻞ ﺍﻳﺪﻳﻬﻮ
ﻭﺧﺎﻭﻱ ﺍﻟﻤﻄﻴﻊ ﺍﻟﺒﺎﺭ ﻟﻮﺍﻟﺪﻳﻬﻮ
ﺍﻟﻤﺎﺑﺨﺎﻑ ﺍﻟﻠﻪ ﺍﻭﻉ ﻣﺎ ﺗﺨﺎﻭﻳﻬﻮ
ﺍﺳﺄﻝ ﻟﻴﻬﻮ ﺍﻟﻜﺮﻳﻢ ﻳﻬﺪﻳﻬﻮ
.........
ﺧﺎﻭﻱ ﺍﻟﻔﻲ ﺍﻟﺤﺎﺭﻩ ﻣﺎﺑﻘﻮﻟﻚ ﺩﺍﻳﺮﻛﻢ
ﻭﺧﺎﻭﻱ ﺍﻟﺒﻌﺮﻓﻚ ﻗﺒﻞ ﻣﺎ ﺗﺘﻜﻠﻢ
ﺍﺣﻔﻆ ﻭﺩﺍﺩ ﺍﻟﻔﻀﻠﻮ ﻋﻠﻴﻚ ﺍﺗﺮﻛﻢ
ﺧﺎﻭﻱ ﺍﻟﺒﻘﺎﺑﻞ ﺍﻟﻨﺎﺱ ﺑﺒﺸﺎﺷﻪ ﻭﻳﺘﺒﺴﻢ
.......
ﺧﺎﻭﻱ ﺍﻟﻤﺎ ﺑﻴﻌﺮﻑ ﺍﻟﺴﺨﺮﻳﻪ
ﻭﺧﺎﻭﻱ ﺍﺏ ﻛﻠﻤﻪ ﺩﻏﺮﻳﻪ
ﺧﺎﻭﻱ ﺍﻟﻤﺎﻝ ﻋﻨﺪﻭ ﻣﺎﻫﻤﻴﻪ
ﻭﺧﺎﻭﻱ ﺍﻟﻔﻲ ﺍﻟﺤﺎﺭﻩ ﺑﻮﺯﻥ ﻣﻴﻪ
........
ﺧﺎﻭﻯ ﺍﻟﺒﻌﺰﻙ ﻭﻳﻌﺮﻑ ﻣﻘﺪﺍﺭﻙ
ﺧﺎﻭﻱ ﺍﻟﺒﺸﻴﻨﻪ ﻣﺎﻧﻘﻞ ﺍﺧﺒﺎﺭﻙ
ﺧﺎﻭﻱ ﺍﻟﺒﺘﺤﺲ ﺑﺪﺍﺭﻭ ﺫﻱ ﺩﺍﺭﻙ
ﻭﺧﺎﻭﻱ ﺍﻟﻔﻲ ﺍﻟﺤﻖ ﻳﺒﻘﻲ ﻣﻦ ﺍﻧﺼﺎﺭﻙ
......
ﺧﺎﻭﻱ ﺍﻟﻜﺘﻮﻡ ﺍﻟﻤﺎﺑﻔﺸﻲ ﺍﻟﺴﺮ
ﻭﺧﺎﻭﻱ ﺍﻟﺒﻲ ﻟﻘﺎﻙ ﻳﺴﺘﺒﺸﺮ
ﺧﺎﻭﻱ ﺍﻟﻔﻲ ﻣﺎﺑﻌﻨﻴﻬﻮ ﻣﺎﺑﺸﺘﻔﺴﺮ
ﻭﺧﺎﻭﻱ ﺍﻟﻔﻲ ﻃﺒﺎﻳﻌﻮ ﺍﺻﻴﻼ ﺣﺮ .
....
ﺻﻼﺡ ﻋﺒﺪﺍﻟﻮﻫﺎﺏ ﺍﺣﻤﺪ
ﺍﻟﺸﺮﻳﻒ ﻳﻌﻘﻮﺏ
| |